.: Hugarástand Ofurnördsins....í máli og myndum. //

Föstudagspistillinn

bimma@livejournal.com — Fri, 11 Dec 2009 23:33:03 GMT

Nenni lítið að skrifa, svo byrjum bara á þessu:

Já, þið segið það.
Er ekki komin í jólagírinn ennþá, vantar einhvern slatta af nenni...og snjó! Engin jólakort verða send í ár frekar en í fyrra, því ég sé fram á atvinnuleysi strax eftir áramót. ALVEG eins og í fyrra. Vei. Svo nú er það bara að spara spara....er ekki í neinu stuði til að skrifa kort heldur. Skylduræknin væri kannski meiri ef maður ætti nú fjölskyldu og/eða grislinga og slíkt til að senda jólakveðjur frá og eins og fallega mynd. Einstaklega sorglegt eitthvað að senda kort með bara mynd af sjálfum sér...eða kettinum. Hendi bara á ykkur kveðju eða þessháttar á feisbók. Mjög jólalegt.
Sama með jólapakkana eins og í fyrra, þeir verða hvorki margir né veglegir. Þarf samt að finna eitthvað smávegis til að pakka inn í fallegan pappír í pakkaleikina sem verða nokkrir í jólaboðunum í ár...hlakkar meira til þeirra en jólanna sjálfra, alltaf gaman að hitta skemmtilegt fólk :)

Annars er allt komið á fullt í vinnunni í jólatraffíkinni, kláraði Líffræðina núna um mánaðarmótin og seinasta prófið á þessarri önn verður 18. des. Fór í matarboð um seinustu helgi til Bjarnfríðar og Carlosar ásamt Elínu vinkonu þeirra og spiluðum vondulagatónlist frá níutíouogeitthvað mestan hluta kvöldsins. Efast ekki um að nágrannarnir hafi verið mjög kátir yfir þessu framtaki.

Síðan kemur Jonni bró frá Norge um næstu helgi og verður eitthvað framyfir áramót, svo ekki verð ég ein um jólin. Kannski ég geti platað hann til að græja Photoshop í fartölvuna og pakka saman jólaseríunum jafn snilldarlega og hann gerði eftir seinustu jól. ;-)

Úps....

bimma@livejournal.com — Mon, 30 Nov 2009 02:37:01 GMT

Aðeins farið að lengjast á milli færslna hérna....iss, ekki alveg til fyrirmyndar. Hef reyndar ekki verið í neinu bloggstuði frekar en öðru stuði undanfarið, vona að þið fyrirgefið kæru lesendur (allavega þið þrír sem enn rambið hérna inn annað slagið.)

Ekki að það sé ekki nóg að gera (sem betur fer), allt á spani í skólanum og jólatraffíkin að fara á fullt í vinnunni. Djammið er alveg dautt, ef frá er talið þrítugari Þóris hennar Heiðu um seinustu helgi. Ágætis partí, hefði örugglega skemmt mér frábærlega ef ég hefði verið í einhverjum djammfíling... sem er ekki mikið fyrir að fara þessa dagana. Það bjargaði hinsvegar alveg kvöldinu (ef ekki bara vetrinum!) að hitta Palla svona líka eldhressann...OG ÁSGEIR! Átti alls ekki von á að sjá þann fýr aftur fyrr en einhverntímann með vorinu, svo að taka gott session með þeim tveimur á Barböru eins og hérna áður fyrr var bara magnað! Alveg búin að sakna þessa. :)

Tók mig loksins til og kláraði stofuna, eitthvað sem hefur alltaf setið á hakanum síðan ég flutti inn....hún er það stór að það er hálf-erfitt að nýta hana alla, sérstaklega þar sem ég er bara ein í búi (fyrir utan köttinn og fóstur-fiskana, en þau taka nú ekki svo mikið pláss). Náði að selja gamla borðstofuborðið og nokkra aðra hluti og skundaði því í IKEA að versla nýtt borð, stækkanlegt fyrir allt að 12 manns, ekkert minna! Var að fá vinkonurnar til mín í saumó-hitting og tilvalið að hafa loksins einhversstaðar þar sem við getum allar setið við sama borð (svona bókstaflega séð allavega). Þrátt fyrir það sem og margra vikna tilraunaledhússtarfsemi og 100% mætingu frá íslandsskvísunum, varð þetta samt eitthvað svo misheppnað allt saman. Maturinn fór í tómt tjón, músíkin fór bara í taugarnar á fólki, lýsingin var öll mjög skrýtin og fáránleg af því það var búið að færa allt úr stað og bara allt fór í klúður. Svo ef mér sjálfri tókst að ná athygli alls hópsins yfirleitt, entist það ekki nema í nokkrar sekúndur frekar en venjulega fyrr en einhver annar er búinn að tala ofan í mig. Alveg verið nokkur atriði sem mig hefði langað að nefna, en gefst fljótlega upp á að einu sinni reyna að tala yfirleitt. Ekki það að ég hafi neitt merkilegt eða áhugavert að segja frá hvort sem er, en væri skemmtilegra ef einhver nennti kannski að hlusta á mann svona annað slagið án þess að fá borgað fyrir það.
Jæja, ísinn virtist allavega gera lukku, svo kannski ekki alveg misheppnað boð, og minnstu Fjólu-erfingjarnir tvær virtust allavega hafa jafn gaman af okkur og við að þeim :) Efast samt um að ég muni fá mörg tækifæri til að nýta 12 manna borðstofuborðið aftur fyrr en það er komið að mér að halda saumó næst, eftir ár eða svo.

Kíkti svo á Karó og ungana í gærkvöldi þar sem voru bakaðar piparkökur í massavís og snæddar tartalettur með hangikjöti og alles. Planið er svo að baka sörur við tækifæri, sem hljómar spennandi. Hef ekki hugmynd um hvað 'sörur' eru einu sinni, enda lítil hefð fyrir jólakökubakstri eða öðrum slíkum fjölskylduhefðum um jólin í minni fjölskyldu. Kveikti á fyrsta kertinu í aðventukransinum í kvöld, önnur hefð sem aldrei þekktist heima.
Er annars búin að græja mest af jólaskrautinu og þessháttar hér í Engjaselinu jólaandanum samkvæmt, eitthvað sem vantaði algerlega í mig í fyrra. Vonandi veit það á gott. :) Var ekkert leiðinlegt heldur að sjá allan þennan snjó í morgun, allavega fannst litlum kisuling það ekki. Jólalögin eru samt ekki komin á fullt blast ennþá, hef bara ekki taugar í mér eins og stendur til að þola þau, ef nokkurntímann á næstunni.

Ég er enn að reyna að átta mig að það er alveg að koma desember 2009, því mér finnst ennþá eins og það sé bara september...2008. Ó ef það væri nú bara svo.....

Fótósjopp dagsins....

bimma@livejournal.com — Mon, 23 Nov 2009 17:25:13 GMT

...er í boði Hagkaupa.

Ekki að maður sé ekki vanur að sjá svona ýktar og íturvaxnar dömur á síðum tímarita, en í Hagkaupsbæklingnum? Að auglýsa náttbuxur? Ekki alveg....

Svona foto-sjoppulegar myndir minna mig alltaf á þessar myndir af henni Ásdísi Rán, sem ég bloggaði hérna í fyrra.

Ísland í dag....því miður.

bimma@livejournal.com — Mon, 23 Nov 2009 02:53:35 GMT

Vá hvað þetta er alveg í samræmi við ÞESSA frétt. Helvítis fokkings druslan sem ég neyðist til að hafa sem viðskiptabanka eftir hrunið, ákvað að skipta um nafn í svona þúsundasta skiptið. ÉG. ÞOLI. EKKI. FYRIRTÆKI. SEM. SKIPTA. UM. NAFN. Þess vegna vil ég engin viðskipti við Búnaðarbanka/Kaupþing/kappafling/KBfail/Arion banka eða Iðnaðarbankann/Íslandsbanka/Glitni/Íslandsbanka heldur og flúði frá Sparisjóðnum þegar það hét allt í einu BYR.
Hvernig væri nú að einbeita sér að því að hlúa að innri rekstri og tannhjólum fyrirtækjanna og koma þeim til að ganga smurt og ótruflað og með sem minnstum truflunum eða viðhorfsbreytingum viðskiptavinanna áður en þið farið að spandera tugum milljóna í vörumerkja-meikóver???? Held að þetta Bs., Ms. og allavegna doktoragráðuhyllta lið hefði gott af því að vinna ALVÖRU þjónustustörf í sínum eigin fyrirtækjum (eða bara þjónustustörf yfirhöfuð!!) áður en það reynir að fara að segja OKKUR ALMENNINGI hvað við eigum að hugsast eða kaupast (eða sparibankast.) Efast um að 90% af þessu liði sem starfar í bönkunum í dag myndu einu sinni vita hvernig á að hnýta sínar eigin skóreimar ef þeir hefðu ekki maka sinn/mömmu sína/þjónustufulltrúa í sínu útibúi til að gera það fyrir sig.

SVEI segi ég. SVEI ATTANN!

Og síðan segja Ljótu Hálfvitarnir okkur (MÉR og ÞÉR!) að Hættessuvæli!!! Lag ársins að mínu mati. ;)

Læri læri tækifæri

bimma@livejournal.com — Tue, 10 Nov 2009 15:01:34 GMT

Jæja, á maður kannski að fara að skrifa eitthvað af viti hingað inn? Er einhver ennþá að lesa þessa vitleysu, hmmm?

Svosem ekkert mikið að frétta, mest búin að vera að skólast. Erfða- og lífeðlisfræði um seinustu helgi, íslenskupróf í lok vikunnar og svo tölfræði og upplýsingatækni þessa helgi. Fjör fjör. Annað merkilegt sem gerðist um helgina var að Palli beibí varð þrítugur og hélt upp á það með afmælistryllingi heima hjá foreldrum sínum í Hafnarfirðinum. Mikið stuð, mikið gaman og svo skunduðum við á Barböru á eftir, naturlich. Entist ekkert sérstaklega lengi í bænum því miður, var búin á því eftir langa skólahelgi. Jú, og ég skellti mér loksins í klippingu á föstudagsmorguninn, enda ekki vanþörf á. Það var klippt ansi mikið af hárinu á mér þegar ég fór seinast (í ágúst) og fannst það bara fínt svo núna ákvað ég að fara enn styttra og var rakað alveg upp að eyrum. Soldið strákaleg klipping verður að segjast og mjög þægileg. Eina sem er, er að ég var nógu oft spurð fyrir hvort ég væri lesbísk og er þessi klipping ekki að gera neitt til að minnka þá steríótýpu-ímynd. Jájá, bara af því ég hef verið einhleyp lengi, er með stuttklippt hár, soldið strákaleg og hangi alltaf á hommabörunum með Palla og félögum....erm...ég skil..hehehe. (og bara ef einhver skyldi efast, þá er svarið NEI. Ég er ekki samkynhneigð eða í neinum vafamálum með það! ;)

Annars er ég bara farin að huga að jólum. Veit að ég mun verða alveg nokkra daga að koma upp öllum jólaljósaeríum og slíku í gluggana að ég er búin að taka þær fram og bíð núna bara eftir að skreytingarandinn komi yfir mig...eða eitthvað. Þarf eiginlega að panta hann Jonna í heimsókn á þrettándanum núna í janúar þegar skrautið og jólaseríurnar verða svo teknar niður aftur, því hann er snillingur í að ganga frá svoleiðis. Varla að ég tími að taka þetta upp úr kössunum....

ÝMISLEGT TIL SÖLU!

bimma@livejournal.com — Sun, 08 Nov 2009 19:32:46 GMT

Er að losa mig við allskonar dót sem ég er hætt að nota:

**SELT** ~~Borðstofuborð, 120 x 120sm, úr Royal línu Rúmfatalagersins~~

http://www.rumfatalagerinn.is/rl/vefverslun/?ew_877_cat_id=18233&ew_877_p_id=22602216&product_category_id=86485

TOSHIBA SD-200 2ja diska DVD spliari, fjarstýring fylgir........15.000.-

Ýmsir tengimöguleikar
http://www.dooyoo.co.uk/dvd-player/toshiba-sd-200/248962/

**SELD** ~~CANON linsa EF 17-40mm f/4L USM **mjög lítið notuð** Taska,linsulok og skyggni fylgja, kemur í upprunalegum umbúðum~~

https://www.netverslun.is/verslun/product/Linsa-EF-17-40mm-f4L-USM

4 stk. 14" álfelgur m/sumardekkjum (+ eitt auka) voru undir Peugeot 206.........................25.000.-

HAMA tengibox f. sjónvarp/video/dvd/ofl. sniðugt ef þú ert með fullt af græjum en of fá tengi í sjónvarpið.............5.000.-

Hama tengibox, séð að aftan

http://www.amazon.de/Hama-00042580-Audio-Video-Umschaltpult-AV-1000/dp/B0002W68ZW

**SELDUR** ~~iPod nano (2 gen.) 2 GB, silfur, vel með farinn, lítið notaður. USB tengisnúra og ónotuð heyrnartól fylgja~~

**SELDUR** ~~Technics SL 1210 plötuspilari, í fullkomnu standi. Lokið fylgir (pínu rispað)~~

**SELDUR** ~~DSM 5 SoundLAB 5 rása DJ mixer~~

**SELT** ~~Fartölvutaska (hulsa/skinn) fyrir 17" fartölvu</b>~~

Fartölvutaska Crumpler hliðartaska fyrir allt að 15" fartölvu........4.000.-

Margir vasar og hólf

**SELDUR** ~~MOTOROLA Dolce & Gabbana RAZR V3 GSM sími</b>~~

**SELDUR** ~~MOTOROLA V3 Razr bleikur</b>~~

**SELDUR** ~~MOTOROLA V3 Razr bleikur m/plasthulstri~~

http://www.taeknivorur.is/?i=15&o=356

Útvarpssendir f/Sony Ericsson walkman síma + SE hleðslutæki og USB gagnasnúra..................5.000.-

https://vefverslun.siminn.is/vorur/sony-ericsson-tvarpssendir-mmr70/

Ef þið hafið áhuga á einhverju af þessu eða viljið nánari upplýsingar, kommentið þá bara hér. Getið líka sent mér póst á geimryk@gmail.com eða í síma 895-8813.

Endurfundir og eldhúsprófanir

bimma@livejournal.com — Thu, 29 Oct 2009 23:53:07 GMT

Eitt sem ég er búin að ætla að gera lengi lengi er að losa mig við eitthvað af öllu þessu dóti mínu. Nokkuð ljóst að ef ég hef ekki notað eitthvað í meira en 2 ár, þá er ég ekkert að fara að nota það á næstunni. Og aldrei verið betra tilefni en einmitt núna að reyna að koma eitthvað af þessu dóti í verð. Búin að finna til allnokkra hluti sem ég ætla að setja á sölu, skelli því m.a. inn hér þegar ég er búin að taka það allt saman. Auðvitað fer ég ekki að losa mig við neina hluti sem hafa mikið tilfinningalegt gildi fyrir mér, en ég sé mig samt neydda til að selja a.m.k. eina af myndavélalinsunum mínum. :/
Þeir sem þekkja mig nokkuð vel vita að myndavélarnar og linsurnar mínar eru með því allra heilagasta sem ég á, en þessa linsu (Canon EF 17-40mm f/4L USM) nota ég ALDREI. Svo ég ætla að reyna að koma henni í verð.

Annars hef ég verið alveg einstaklega löt við hverskonar myndatökur undanfarið. Fór m.a.s. á djammið um seinustu helgi í fyrsta sinn í langan tíma...og tók ekki eina einustu mynd! *andköf!*
Þetta var að vísu alveg stórkemmtilegt kvöld, byrjaði á að hitta Karen æskuvinkonu úr Garðabænum yfir vínglasi á Ölstofunni. Stórskemmtilegur hittingur, enda höfum við ekki hist í möööörg ár! Þetta getur feisbókin sko... ;-)
Hittum mann og annan á stofunni þetta kvöld og skunduðum svo á Barböru að hitta Pallann, en ég varð að ná allavega einu stóru knúsi á drenginn áður en hann færi í heimsókn til strákanna í AMS :)
Hafði misst símann minn bakvið sætaröðina á ölstofunni og ekki nokkur leið að ná honum þaðan aftur fyrr en eftir lokun, svo ég var hálf sambandslaus allt kvöldið...hvernig fórum við eiginlega að þessu djammstússi fyrir tíma GSM síma???
Hitti og knústi sæta Pallann, sem var svoleiðis að drukkna í sætum strákum svo hann hafði engan tíma til að spjalla mikið. Hitti reyndar fyrir algera tilviljun Steina gamla skólafélaga þarna inni líka og enduðum við á þvílíku pöbbarölti þetta kvöld, vá hvað það var gaman! Mig minnir að mér hafi orðið fótaskortur á einhverjum tímapunkti inni á Ellefunni, en það var svo stapppakkað af fólki þar inni að það var ekkieinu sinni pláss til að detta! Enduðum kvöldið á Celtic, sem ég hef ekki komið á í mörg ár...og þá var mig eiginlega farið að skorta minni, því Steini var voða duglegur að versla fyrir okkur á barnum hvert sem við fórum, þessi elska.
Kom heim langt gengin í sjö, gjörsamlega á eyrnasneplunum. Held að það hafi ekki gerst í laaangan tíma, enda minnti þynnka sunnudagsins mig ónotanlega á af hverju ég er vön að koma mér heim á skikkanlegum tíma, í skikkanlegu ástandi.
Já, að ryksuga stigaganginn í sameigninni skelþunnur, er EKKI góð skemmtun. Kannski soldið dramatískar lýsingar á aðstæðum, en það er bara orðið alveg svakalega langt síðan ég fann fyrir þynnku síðast!

Þrátt fyrir drama-þynnkukastið náði ég að gera helling, m.a. að kokka upp eins og enn einn réttinn í Tilraunaeldhúsi Geimryks. Sem er nú bara eldabuskan ég að prófa nýjar og spennandi uppskriftir sem ég hef rambað á hér og þar. Oftast mjög vel heppnað, þótt það geti tekið alveg 2-3 skipti áður en ég næ að fine-tuna uppskriftina hárrétt (að mínum smekk allavega) og fyrst þá er hún orðin boðleg gestum. Og þar sem ég á að halda saumó-hitting hér í næsta mánuði er ekki seinna vænna að finna eitthvað kræsilegt að bera fram fyrir skvísurnar, því ekki hef ég mikið af spennandi slúðri til að bera fram!

Úff...og svo eru jólin bara aaaalvegaðfaraaðskellaá..... ætla að gera mitt besta til að vera skipulögð og útsjónarsöm og vera búin að græja jólakortin og kaupa allar jólagjafir fyrir þorláksmessu...en sé fram á að það muni stóraukast traffíkin í vinnunni strax eftir mánaðarmót og líka NÓG að gera í skólanum, hólímólí! Tróðu semsagt eins og eitt stykki Líffræðiáfanga ofan í Íslenskuna og Upplýsingatæknina og fer ég í seinasta prófið 18 des. Jibbí....

Af Svarthöfða & Sinfó, sjálfsmorði sjónvarpsstöðvar og flensufaraldri raftækja...

bimma@livejournal.com — Tue, 27 Oct 2009 02:25:39 GMT

Hlutirnir búnir að ganga upp og ofan undafarið. Held að allt sem mögulega geti bilað í vinnunni, hefur gert einmitt það undanfarnar vikur. Okkur er hætt að standa á sama, svona stórundarlegar og tíðar bilanir eru bara ekki eðlilegur hlutur. Uss uss.

Fartölvan mín dó endanlega núna á dögunum. Er búin að vera erfið, leiðinleg og bilanagjörn nánast frá fyrsta degi, en núna var henni bara allri lokið. Er að vinna í að bjarga gögnunum af harða disknum, sem er víst eitthvað skemmdur, því ekki er hægt að lesa allt á honum. Sem betur fer á ég back-up af þessu flestu á hinni tölvunni...eða minnislyklum (sem er reyndar alger tilviljun í þessu tilfelli!)
Þvottavélin víðfræga er hinsvegar komin heim og fullvirk í þetta sinn. Þeir hjá Agli eiga alveg hrós skilið fyrir að hafa bjargað þessu máli eins og þeir gerðu, enda bjóst ég ekki við neinu minna fyrst þeir klúðruðu þessu til að byrja með.

Og svo á að gera Skjá Einn að áskriftarstöð. Nokkuð víst að ég mun ekki fjárfesta í áskrift að þeirri stöð, enda neita ég að borga fyrir lélga vöru eða þjónustu og er S1 langt frá því að vera miðill sem er krónu virði með eintómum endursýningum, skelfilegum raunveruleikaþáttum og 95% af dagskrárliðum stöðvarinnar er hægt að downloada af netinu. Skortur á íslenskum texta mun seint trufla mig neitt! Verð líka að segja að ef ég væri einn af þeim fjölmörgu atvinnurekendum sem kaupa auglýsingu á S1 (og þá á þeim forsendum að stöðin er ÓKEYPIS og þess vegna mun auglýsingin berast víða) væri síður en svo kát yfir þessari ákvörðun og myndi HÆTTA MEÐ ÖLLU að auglýsa á áðurnefndri stöð.
Ég hef ekki hitt einn einasta mann sem ætlar að kaupa áskrift af S1 þegar henni verður læst, á sömu forsendum og ég listaði hérna á undan. Sömuleiðis hef ég heyrt af fyrirtækjum sem ætla snarlega að hætta að kaupa auglýsingar á S1 og hvað er þá eftir? Ekki margir. Held ég hafi sjaldan séð jafn skýrt dæmi um að skjóta sig í fótinn (jafnvel HAUSINN) eins og S1 er að gera núna. Okkur áhorfendum er nokkuð sama um gæði dagskrárgerðarinnar á meðan hún er okkur með öllu ókeypis, en að fara að rukka okkur um sama ruglið er ekkert nema sjálfsmorð að þeirra hálfu.
Samt, alltaf magnað hvað Íslendingar eru fljótir að gleyma.....

Skellti mér á Sinfó-tónleika á fimmtudaginn eftir nokkurt hlé. Reyndar voru þessir ákveðnu tónleikar óhefðbundnir að því leyti að á dagskránni voru frægustu tónverk John Williams, sem er þekktastur fyrir að semja kvikmyndatónlist og slíkt, með 'Star Wars' efst á ferilsskránni. Átti því von á góðu, en VÁ hvað mig óraði ekki fyrir hvað þetta yrði mögnuð upplífun! Það var mjög sérstök stemning í salnum, mikið af krökkum í fylgd með foreldrum og öðru fólki sem venjulega sækir ekki sínfóníutónleika.
Hljómsveitarstjórinn var bandarískur, mjög skemmtilegur karakter og alvanur í að stýra verkum John Williams. Á milli laga sneri hann sér að áhorfendum og sagði stutta sögu um hvert verk. Að hlusta á heila sinfóníuhljómsveit spila stefið úr 'Jaws' var nottla ekket nema tær snilld! 'Indiana Jones', 'E.T'., 'Jurassic Park' og fleiri stef voru á efniskránni, stef sem flest okkar kunna utanaf og hafa heyrt margoft.
Hitti í hléinu alveg haug af fólki sem ég þekki (sem er ekki venjan á sinfótónleikum!) og voru allir viðmælendur mjög ánægðir með tónleikana hingað til, en aðalnúmerið var auðvitað eftir: Star Wars syrpan. Salurinn var öllu þéttsetnari en fyrir hlé, en þá hafði verið áberandi mikið af auðum sætum þrátt fyrir að um löngu uppselda tónleika væri að ræða. Star Wars syrpan var alveg frábær en hápunktur tónleikanna var vafalaust þegar Svarthöfði sjálfur, í fullum skrúða, gengur inn á sviðið í miðjum Keisaramarsinum. Röltir rólega og athugull meðal raða hljóðfæraleikaranna eins og hann sé að meta leik þeirra...gott gott. Tekur stuttan rúnt áður en hann stígur upp á pallinn hjá hljómsveitarstjóranum (gnæfandi yfir hann) og bókstaflega rekur hann í burtu og klárar að stjórna marsinum sjálfur. Hlaut að sjálfsögðu dúndrandi lófaklapp og hróp áhorfenda að lagi loknu og hvarf svo af sviðinu, hljómsveitarstjóranum til mikils léttis. Þetta spaug lífgaði allsvakalega upp á nú þegar rafmagnaða stemningu í salnum og var sagan af Svarthöfða gestastjóra fljót að kvisast út....enda skilst mér að það hafi orðið uppselt á föstudagstónleikana líka mjög fljótlega!

[edit 26.10: Sagan af Svarthöfða rataði alla leið á vefsíðu CNN og í sjöfréttir mbl.is ]

Hér er beinn linkur á frétt mbl.is, en bara af því að kódinn þeirra fyrir myndskeið er greinilega skrifaður af apaköttum á meskalíntrippi og þ.a.l. eitthvað stórundarlegur og ómögulegt að embedda:
mbl.is viðtal

Er alveg í stuði til að kíkja út í kvöld, sem er ekki algengt undanfarið. Ætli verði nokkuð úr þessu útrásarstuði, hmmmm???

Heimska mannkyns á sér víst fá takmörk.

bimma@livejournal.com — Thu, 22 Oct 2009 01:47:39 GMT

Ég hef alltaf haldið að vel flestir einstaklingar hins mannlega samfélags teljist til viti borinna skepna. Eða kannski er ég með einhvern innbyggðan radar sem nemur hreinlega ekki fólk með greindarvísitölu fyrir neðan ákveðin þolmörk. Held að ég sé bara svona heppin að búa hér á Íslandi, þar sem við erum sem betur fer talin nokkuð vel gefin þjóð. Ég hef auðvitað hitt allskonar fólk með allskonar sérviskur og sumt alveg einstaklega vitlaust á öllum þessum árum mínum í hinum ýmsu þjónustustörfum, en hef sem betur fer aldrei (og mun vonandi aldrei!) þurft að umbera eistaklinga sem hreinlega geisla af þvílíkri heimsku, villutrú, þversögnum og vitleysu að það hafi ratað í munnmæli meðal fólks.

Og eins og allir vita, er hvergi betri vettvangur nú á dögum til að "munnmæla" slíkar sögur og sagnir...nema á alnetinu!

Gjöriðisvovel.

Not always right
Heimskir kúnnar. Í alvöru, sumt fólk ætti bara ekki að fá að ganga laust....

lamebook.com
Hin fjölmörgu fail af feisbókinni.

there, i fixed it
Allt er hægt að laga með smá hugviti og útsjónarsemi!

item not as described
Ekki eru allar smáauglýsingar eins og þær sýnast....

Lovely listing
Fasteignasölur dauðans!

that will buff out
Smá bílavandræði....

texts from last night
Bandarískir unglingar og sms

english fail blog
Ótrúlegt hvað hægt er að klúðra sínu eigin móðurmáli

Og svo GULLMOLINN:
Computer stupidities: Calls from hell!
Þjónustuver tæknideildar. Þetta fólk hefur mína innstu samúð.

Það er örugglega slatti sem ég er að gleyma, en þetta ætti að vera nóg í bili til að fá fólk til að hrista hausinn eða etv brosa af vitleysisgangi annara. :)

Í tilefni helgarinnar....

bimma@livejournal.com — Sat, 17 Oct 2009 02:21:24 GMT

Góðar stundir.

Skyggni < 5 metrar

bimma@livejournal.com — Mon, 12 Oct 2009 01:43:08 GMT

Skildi ekkert í hvað sást lítið út...það er byrjað að snjóóóóaaa á fullu! VÍÍÍÍ!

'Sunshine' stóðst nokkuð væntingar mínar, alls ekki svo slæm ræma. Og djöfull hitti ég naglann á höfuðið með 'Event Horizon' samlíkingunni! Úje.

Er ekkert syfjuð, svo ég er að taka saman lög á iPodinn til að sofna við.
Um daginn dreymdi mig að ég væri argasti heróínfíkill, með ól fastreyrða um upphandlegginn og tilbúin í næsta "fix", svona eins og maður sér í bíómyndum, þekki þetta (sem betur fer!) ekki af eigin raun.
Þegar ég vaknaði var snúran af heyrnatólunum á iPodinum flækt kyrfilega utan um handlegginn á mér....

En hvort var þetta draumurinn að hafa áhrif á veruleikann eða veruleikinn að hafa áhrif á drauminn? Magnað.

bimma@livejournal.com — Mon, 12 Oct 2009 01:08:09 GMT

Jæja, komin aftur með hita og vesen. Er búin að vera slöpp og tussuleg alla vikuna, stundum hár hiti, stundum ekki. Ég vildi bara að helvítis læknarnir myndu fara að hringja í mig með einhverjar niðurstöður. :(
Var frekar slæm á fimmtudagskvöldið og ekki í neinu ástandi til að læra fyrir próf, efins að ég myndi yfirleitt geta mætt í prófið. Var bara dugleg að glósa í staðinn en var nokk hress á föstudagsmorguninn.
Prófið var síðan bara létt og auðleyst (fannst mér allavega) fyrir utan útreikningadæmin 2 eða 3, en ég er ekki sleip í svoleiðis.
Var góð allan föstudaginn og allan skóladaginn á laugardaginn, en þá var vinnuhelgi í íslensku sem var alveg stórskemmtileg en svolítið...ehemm....langdregin. :)
Kom heim um sexleytið, krassaði í svona 3 tíma gjörsamlega búin á því og var svo fárveik allt kvöldið. Skemmtilegt. Ekki séns að ég gæti mætt í morgun. :(
En er öll að skríða saman, allavega eins og er. Ætti að vera orðin góð í fyrramálið, en hver veit hvernig svona innvortis sýkingar virka....sjáum til.

Svo núna kúri ég bara í sófanum með Uglu (sem liggur steinsofandi á lærinu á mér, eflaust dreymandi eitthvað magnað miðað við tilkippingarnar í litla kisuskrokknum) og horfi á 'Sunshine' sem ég verslaði sem eina af útsölu-DVD myndum í Elko um daginn. Hef ekki séð þessa mynd áður (og það er mjög sjaldgæft að ég kaupi mynd á DVD óséða) en leikstjórinn Danny Boyle klikkar sjaldan, þetta er vísindaskáldskapur í geimnum á la Event Horizon....og svo er Cillian Murphy *bara* svo fokk myndarlegur! ;-)

Annars ekkert mikið að frétta, er enn á fullu í tilraunastarfsemi í eldhúsinu og nýt þess að hafa þvottavél sem virkar. :)

Hinsvegar er ég orðin nokkuð ákveðin í að fara í Háskólann eftir að ég klára Keilisnámið. Stórefast um að vinnumarkaðurinn eigi eftir að skána neitt á næstunni en svo er hitt hvort ég hafi yfirleitt eitthvað efni á að fara í nám.
Eins og staðan er núna, hef ég ekki einu sinni efni á að vera í þeirri vinnu sem ég er í. Væri fjárhagslega betur sett á atvinnuleysisbótum, því þá þyrfti ég EKKI að standa kostnað af því að keyra suður í Keflavík og til baka á hverjum virkum degi.

Og svo stóra spurningin: Ef ég kemst í Háskólann...hvað í andskotanum á ég að fara að læra???

Hvert fór haustið?

bimma@livejournal.com — Thu, 08 Oct 2009 01:00:14 GMT

Mikið var æðislega kósi að fylgjast með snjónum kyngja niður á mánudagskvöldið. Sérstaklega skemmtilegt þar sem ég þurfti ekki að hafa neinar áhyggjur þótt það yrði snjór og hálka morguninn eftir, því billinn minn er sem endranær í góða stæðinu sínu í bílskýlinu svo ekki þarf ég að skafa. Og ekki þarf ég að láta setja vetrardekkin undir, því...öhm...hann er enn á vetrardekkjunum síðan í vetur (ekki nöglum sko.) Já, svona er stundum sniðugt að vera ~~trassi~~ hagsýnn. :)

Undarlegu verkirnir sem ég hef fengið annað slagið minntu aldeilis á sig í vinnunni á mánudaginn. Í þetta sinn var engu líkara en einhver hefði hoggið með exi í síðuna á mér og ég var farin að svitna af kvölum. Yfirleitt gengur þetta yfir á ca. 10 mín en þessir dofnuðu ekki út fyrr en eftir rúman klukkutíma. Sem betur fer var MJÖG rólegt í vinnunni þennan dag, enda gat ég varla staðið í lappirnar á tímabili. Alveg frábært auðvitað, allt búið að ganga á afturfótunum og nú eitthvað svona vesen í ofanálag? Mín beint á Læknavaktina eftir vinnu, þar sem ég látin hafa skrilljón pappíra og beiðnir í allskonar rannsóknir og ómskoðanir og hvaða hvaða. Læknana grunar helst að þetta sé nýrnatengt, sérstaklega eftir bráðasýkinguna um árið þar sem ég endaði á spítala í kjölfar vitlausrar greiningar. Ég vil HELST þurfa að sleppa við það helvíti aftur, og greinilega þeir líka. Er enn að bíða eftir niðurstöðum, hef verið verkjalaus en finn enn smá seyðing. Greinilegt að það er eitthvað ekki alveg í lagi þarna....

Fékk mann frá Agli vélaverkstæði hingað í gærmorgun til að meta þvottavélina. Ekki þann sama og síðast, enda virtist þessi í alvörunni vita um hvað hann var að tala. Var sammála mér að hún væri svo sannarlega biluð og hann fann m.a.s. strax hvað hafði verið að valda biluninni frá byrjun. Sagðist ætla að tala við sína yfirmenn og hafa svo samband með framhaldið. Ég auðvitað bjóst við að þeir myndu hreinlega neita öllu og var búin að búa mig undir þvílíkar "rökræður" í símann þegar hann hringir. Var eiginlega hálf skömmustulegur í röddinni manngreyið þegar hann sagði mér að þeir myndu taka vélina aftur inn á verkstæði strax og gera við hana (almennilega í þetta sinn!) og láta mig hafa aðra í staðinn á meðan.
Sú græja kom hingað í morgun. Nákvæmlega eins týpa, nema með stafrænu stjórnborði. Svo var að prufukeyra gripinn og er ég búin að þvo eins og vindurinn í allt kvöld, loksins! Eitt sem kom mér á óvart að það heyrist ekkert í þessu kvikindi! Er búin að tékka nokkrum sinnum á henni bara til að vera viss um að hún sé í gangi....eitthvert svona 'Super Silent' módel. I like! Má ég ekki bara halda þessari í staðinn fyrir hina? :)

Og ég náði, af einhverri þrjósku og rælni, að koma skjánum á fartölvunni aftur í lag. HALELÚJA! En þá hætti þráðlausa netkortið að virka og tók nokkurn tíma að fá það í gang aftur. Ég held að það þurfi að fara að strauja þetta fartölvukvikindi og setja upp á nýtt. Legg samt ekki alveg í það fyrr en skólinn er búinn, sem er reyndar ekki fyrr en í Júlí. Þá verður tölvan orðin 3ja ára.

Svo mesta græjuvesenið og ömurlegheitin sem eru búin að ásækja mann það sem af er október, eru loksins að lagast. Allt gott kemur með snjónum greinilega. :)

Nördadjammið mikla

bimma@livejournal.com — Tue, 06 Oct 2009 23:49:50 GMT

Heiða, sem um þessar mundir er ásamt spúsa sínum í Kína og nærsveitum, sendi mér SMS í seinustu viku. Vildi fá að vita hvort ég væri búin að redda mér miða fyrir helgina. Ég skal alveg viðurkenna að ég var eitt spurningarmerki í framan í smá stund, en kveikti svo á perunni: EVE Fanfest helgin er víst þessa helgi. Hún var víst búin að spyrja mig að þessu áður en hún fór út og þar sem Þórir vinnur nú einu sinni hjá CCP þá var ekki mikið mál fyrir þau að láta skrifa mig á gestalistann í aðalpartíið á laugardagskvöldið. Málið var bara að ég hafði ekkert spáð í þetta gigg og ef ekki hefði verið fyrir SMSið frá Heiðu, hefði þetta örugglega farið alveg framhjá mér, enda ég ekki beint í djammstuði (eða stuði yfirleitt) þessa dagana.

Þau settu mig á gestalistann "plús einn" jii hvað þau eru bjartsýn eitthvað...eins og nokkur vilji fara með mér eitt né neitt. Eins og sýndi sig glögglega, því ég reyndi hvað ég gat að koma þessum "plús einn" í nýtingu, m.a.s. auglýsti á facebook. En allt kom fyrir ekki neitt. Æ hvað það er alltaf gaman að vera vinsæll og eftirsóttur, ha?

Ég hafði það nú samt að drullast ein niður í Laugardalshöll, en mest af því að mig langaði að sjá Margeir og Sinfó spila saman, eitthvað sem ég hef alltaf misst af hingað til. Einn af bestu plötusnúðum íslands *og* Sinfóníuhljómsveit? JÁ TAKK. Enda var þetta svooo flooott að mann skortir orð til að lýsa þessu. Væri gaman að sjá þetta tvíeyki á Sinfó-tónleikum í Háskólabíó, auðvitað með ljósasjóvinu og alles, en grunar að það muni seint gerast. Synd.

Fanfest-partíið var samt þrususkemmtilegt, var ekki búin að vera þarna í 5 mínútur þegar það er öskrað á mig og þar voru Bjarnfríður og Carlos. Jóna og Valur voru þarna líka og var ég þá kominn með hópinn minn fyrir kvöldið. Hitti alveg slatta af liði sem ég þekki þarna (you know who you are! :) ) og fannst alltaf jafnfyndið að það virtist enginn þeirra vera að spila þennan leik "mér/okkur var bara boðið í partíið...."
Myndi ekki taka þá trúarlega nema að ég var þarna sjálf einmitt af því mér var boðið í partíið....en ég er líka stelpa. ;-) Og þó ég sé mikið nörd á mörgum sviðum, spila ég ekki tölvuleiki.

Aðalnúmer kvöldsins voru 2 many DJ's flokkurinn, sem við Heiða sáum einmitt spila á Sonar-tónlistarhátíðinni á Spáni 2004 sælla minninga. Þeir voru ekkert síðri þarna í kvöld heldur rusluðu í gegnum hvern slagarann á fætur öðrum og trylltu lýðinn. Mjööög vel heppnað kvöld í alla staði held ég bara. :)

Takk fyrir mig fólk, þetta var magnað!

Stigmagnandi

bimma@livejournal.com — Mon, 05 Oct 2009 03:06:54 GMT

Ágætis lýsing á þeirri hörmung sem októbermánuður ætlar að verða.
Fyrsti var vondur, annar verri, þriðji slæmur (fyrir utan EVE kvöldið) og dagurinn í dag nánast algert disaster. Þori varla að sjá hvað mánudagurinn ber í skauti sér.....
Og svo var fullt tungl um helgina í þokkabót, sem er ekki á bætandi.

Fékk semsagt þvottavélina mína heim úr viðgerð á föstudaginn, eftir tæpan þvottavélalausan mánuð. Viðgerðarkostnaður um 70 þús, flutningskostnaður um 10 þús og rafvirkjakostnaður 30 þús. Sem þýðir að gripurinn er núna búinn að kosta mig tvöfalt meira en var borgaði fyrir hann upprunalega, rétt rúmlega tveggja ára gamall! Svo set ég gripinn í gang um kvöldið voða kát, en hamingjan stóð ekki lengi. Helvítis apparatið stoppaði, NÁKVÆMLEGA á sama hátt og í fyrra skiptið, nema núna með skruðningum og látum.
Egill vélaverkstæði mega bara þakka fyrir að hafa ekki opið á laugardögum, því annars hefðu þeir mætt mér sótillri morguninn eftir. Sjáum hvað gerist í fyrramálið....

Var að vinna á fartölvunni minni núna áðan og þá vill Windowsdraslið endilega uppdeita med det samme. Tekur yfirleitt nokkrar mínútur að restarta en þegar hún virtist ekkert ætla að koma sér í gang aftur eftir korter, var mér hætt að lítast á blikuna. Jújú, hún kveikir á sér, ég heyri startup-hljóðin og allt....en skjárinn svartur. Sama hvað ég reyni að restarta, taka hana úr sambandi, taka batteríið úr...ekkert. Ætla að leyfa henni að vera þangað til á morgun, annars enda ég örugglega á að fleygja helvítinu bara fram af svölunum, urrrrr. Þetta er ALVEG til að kóróna allt annað sem undan er gengið. Ég VERÐ að hafa fartölvu í náminu og má alls ekki við því að hún gefi upp öndina svona rétt fyrir lokapróf og vinnuhelgi! Pirr pirr!

(Og svo í ofanálag fær maður samviskubit yfir að láta svona hluti fara í taugarnar á sér, því maður veit að þetta er miklar "lúxuskrísur" og bara tittlingaskítur miðað við það sem sumt fólk þarf að þola. *dæs* :/ )

fyllerísrövl í sms-stíl

bimma@livejournal.com — Mon, 28 Sep 2009 01:08:43 GMT

Er búin að vera alveg mega-dugleg að læra eins og andskotinn þessa helgi. Sko, þegar égnenniaðlæra-gírinn hrekkur í gang, þá er best að vera ekki fyrir...
En já, einhverntímann tekur allt enda. Eftir 8ogeitthvað tíma törn á laugardaginn þá bara sagði ég stopp og ákvað að gefa heilanum frí þangað til daginn eftir. Og fór að nördast á netinu.

Tók bloggrúntinn, þar sem ein góð síða benti á aðra góða síðu sem linkaði á fimmtán aðrar þannig að ég fann svo helling af skemmtilegum síðum og bloggum og égveitekkihvað að bookmarkarinn hjá mér er búinn að vera á fullu að adda stöffi! Ætla að reyna að skella flestum þessum síðum á hlekkjaboxið hér til hægri, svona þegar ég er búin að sortera þær aðeins betur. :)

Ein af þessum snilldum sem ég rakst á er (TEXTS FROM LAST NIGHT):
Hefur þú sent einhverjum SMS í mis-annarlegu ástandi og komist að því morguninn eftir að það var kannski ekki svo góð hugmynd? Þessi síða er sko FULL af slíkum SMS skilaboðum, flest frá bandarískum háskólanemum, hafa yfirleitt eitthvað með fyllerí og/eða kynlíf að gera og eru sum skaðræðislega fyndin. Merkilegt hvað fólki finnst það vera fyndið og sniðugt og uppfullt af visku alheimsins undir áhrifum...
...set hérna inn nokkra gullmola.

"I'm so hung over, I actually considered rolling down the stairs to avoid walking."

"I have big tits. Rules don't apply to me."

"I was speaking french the whole night. Until i got arrested. Then I decided I should probably start speaking English."

"his penis is like a homeless cat. ever since I've satisfied him he keeps showing up on my doorstep ask for more."

"You fell asleep mid BJ last night. I put your pants back on you. My ego is pretty bruised this morning."

"it was average length and chubby
so kinda like him?
now i'm wondering if all guys are shaped like their penis..."

"i need a lesbian romance or unplanned pregnancy for some spice in my life."

"after he passed out we removed everything electronic from his room, stuck in some old books and an ancient typewriter from goodwill. for 20min. we had him convinced he'd drunk himself backward in time."

"My new sobriety test is "how many times do I have to attempt to put toothpaste on my brush"... It takes a while."

"you washed your face with toilet water last night.. i tried to stop you but you wouldn't have it." (Hmmm, minnir mig á dreng nokkurn í Chicago fyrir nokkrum árum, hahaha...)

"It's sad that I have started checking out the ring finger before the rack...I'm getting old"

"Not only did a random toaster end up in my house last night, it's also full of skittles."

"we left the bar for like 10 minutes last night and moved his car so itwouldnt get towed. neither of us have a clue where it is right now."

"you announced to everyone at the bar "fuck girls. they're confusing. im gonna start having sex with boys now"

"guys are only as good as the porn they watch"

Ah. Að vera ungur og vitlaus og með aðgang að slíkri upplýsingatækni. Þegar ég var á þessum aldri, var sms nánast óþekktur samskiptamiðill.

Alveg ótengt, en kannski ekki: Mig langar í svona!

PS: Nýja Gus Gus platan er ÆÐI. Ég er ekkert hissa þótt hún sé svona vinsæl, alveg magnað stöff hér á ferð. Er að horfa á útgáfutónleikana streaming læv á netinu, nenni ekki alveg að fara út í þetta rok.

Another one bites the dust...

bimma@livejournal.com — Fri, 25 Sep 2009 21:37:09 GMT

Já, þær hverfa hratt, gömlu góðu bloggsíðurnar.

Hér til hliðar hef ég hlekk á vini, vandamenn og aðra skemmtilega bloggpenna. Það eru því miður ekki margir sem uppfæra reglulega og lítur út fyrir að þeir muni ekkert gera það oftar. (Ansans feisbókin!) Ég er auðvitað mikil bjartsýnismanneskja og hef alltaf fulla trú á að þeir sem hafa ekki bloggað lengi muni fljótlega aftur finna bloggandann og taka upp þráðinn með skemmtilegum og hnyttnum færslum og athugasemdum! :)
Gef yfirleitt upp alla von um slíkt ef ekkert hefur gerst í ár, og þá er kominn tími til að skipta út hlekknum. Nema að undanfarið er ég alveg í vandræðum með að finna eitthvað annað til að setja í staðinn. :/

Núna er t.d. hið frábæra Ríkeyjarblogg, sem lofaði svo góðu í byrjun, búið að vera stopp í ár. Sem staðgengil ætla ég að bregða út af vananum og skella inn bloggi á ensku, frá einum af útlandavinum mínum honum Dan. Þrátt fyrir mjög slitrótta bloggtörn seinustu ár er hann kominn á fullt aftur (og var að trúlofa sig í gær!) svo það mun örugglega verða mikið um skemmtilegar færslur frá kauða á næstunni. :)
(Og Eva, Jonni og Halla... þið megið alveg fara að vara ykkur og öppdeita nú fljótlega! ;-) )

Annars er lítið að frétta. Bara í hálfgerðu limbói þessa dagana. Veit ekki alveg hvað ég á að gera. Eða segja. Eða finnast. :/

Já, alveg merkilegt hvað maður getur væflast í sjálfsvorkunn og volæði og gleymt því hvað maður hefur það gott. Svo eru ekki örugglega allir að horfa á og styðja 'Á rás fyrir Grensás???' :):):) Koma svo!

Urrrg

bimma@livejournal.com — Mon, 21 Sep 2009 23:59:43 GMT

Er komin með helvítis pestina, alveg keppnis í þetta sinn. Var með smá vott í seinustu viku og ætlaði ekkert að láta það stoppa mig neitt. Fékk það hinsvegar bara þrefalt til baka! Sagt að ég verði ekki fótaferðafær fyrr en í fyrsta lagi fimmtudaginn. Er handviss um að ég hef fengið þetta annaðhvort frá Mæju eða Bjarnfríði. Svei!
Jæja, leiðist allavega ekki á meðan. Ég var hjá Ríkey í vikunni að kíkja á tölvuna hennar sem var eitthvað erfið, en eftir smá hreinsun og uppfærslur var hún miklu hressari. Tölvan þ.e.a.s., Ríkey er alltaf hress! Svo ég er m.a. búin að nýta tímann hér heima til að taka til og uppfæra í mínum eigin tölvum, en það var víst ekki vanþörf á því. Við það fylltist ég þvílíkum eldmóð að fara að klára nú þetta blessaða myndaalbúm og hefur það gengið alveg súper vel! Fæ alveg nett nostalgíusjokk af að skoða þessar myndir, enda komin aftur að árinu 2003. Er alveg á því að KRAFTWERK tónleikarnir í Kaplakrika vorið 2004 hafi verið einu BESTU og FLOTTUSTU tónleikar sem ég hef orðið vitni að hér á skerinu. Þvílík gargandi snilld! Þarf að leita uppi DVD frá þessari tónleikaferð þeirra kappa.
Fann líka nokkra internet-accounta sem ég er löngu hætt að nota, þ.á.m 2 á Photobucket og 1 á YouTube sem ég eyddi. Ágætt að taka til í netsjálfinu annað slagið líka. ;-)

Svo er nóg að gera í skólaverkefnum og slíku, þegar þú ert í fjarnámi þá stoppar skólinn ekkert þótt þú sért veikur heima. Ég vildi bara að allir áfangarnir væru jafn æðislegir og eins og þessi efnafræðiáfangi sem ég er í þessa dagana, alger snilld! Í næsta mánuði tekur nefnilega íslenskan við og ef eitthvað er hægt að marka áfangann í fyrra, verður það allt annað en skemmtilegt. :/

Lét mig hafa það að kíkja út að borða á laugardagskvöldið, smá stelpuhittingur á Tapas bar. Tilefnið var að gæsa Kötu og óska Heiðu til hamingju með afmælið, sem hún á víst í dag en ekki á laugardaginn, þótt að feisbókin haldi öðru fram. ;) Maturinn var sko alveg æði, fyrst hvítlaukslegnir humarhalar, svo önd í appelsínusósu, þá pestó-marineraðar nautalundir og síðan súkkulaðikaka dauðans í eftirrétt! Nammnammnamm....enda vorum við gjörsamlega að springa í restina! Sátum svo á meltunni í 'lounginu' og ræddum m.a. stjarneðlisfræði og slíkt. Mjög spes. Karó kom og sótti mig og skutlaði mér aftur beint heim eftir matinn, enda var nokkuð greinilegt að ég var ekki til stórræðanna þetta kvöld.

Urr...eitt sem ég þoli ekki við svona flensur er að missa alla matarlyst. Ég á fullan ísskáp (og frystihólf!) af mat sem ég bara nenni ekki að borða. Hinsvegar er því litla sem ég nenni að elda ofan í mig drekkt í hvítlauk og lauk og sterkum kryddjurtum, burt skal sko kvefpestarhelvítið! Eins gott ég hafi þá afsökun að vera lasin, efast um að neinn vilji vera nálægt mér þessa dagana hvort sem er, angandi af hvítlauk og lauk og égveitekkihvað. ;)

Æji, það er bara eitthvað svo notalegt að Jay Leno skuli vera kominn aftur á skjáinn á kvöldin. Svona fastur punktur í tilverunni. (Þótt Conan sé óneitanlega milljón sinnum skemmtilegri.)

Mannavillingur

bimma@livejournal.com — Thu, 17 Sep 2009 23:38:07 GMT

Í gærkvöldi var ég að versla í matvöruverslun nokkurri kennda við okkar gagnslausa gjaldmiðil. Sem væri nú varla frásagnarvert nema að þar heilsar mér kátlega annar viðskiptavinur, ungur maður, með ofur-glaðlegu brosi og hvellu "Nei HÆÆ!!"
.
.
.
.

Ég bókstaflega stóð og starði í forundran á manninn, því ég hafði ekki GUÐMUND um hver þetta var sem heilsaði mér svona skemmtilega þarna í brauðálmunni. Beið bara eftir að hann sneri sér að einhverjum öðrum sem stæði mér nær, héldi áfram að spjalla í handfrjálsa búnaðinn á símanum sínum, eða að hann áttaði sig að hann væri að fara mannavillt.
Hann varð hinsvegar strax var við að ég hafði ekki græna hver hann var, setur upp skeifu, "manstu ekki eftir mér?" og nefnir fyrirtækið sem hann vinnur hjá. SAMT tók það alveg nokkrar sekúndur fyrir mig að kveikja en þegar það hafðist á endanum, fékk ég "manni getur nú alveg sárnað!"-skot frá honum en áttum við ágætt spjall saman milli kílóa-brauðhleifa og speltrúnstykkja.

En í alvöru: Ég verð seint kölluð mannglögga týpan. Þótt að ég hafi alveg einstaklega gott auga fyrir smáatriðum og tek eftir minnstu breytingum á nánasta umhverfi mínu, þýðir lítið að biðja mig um útlitslýsingar af einhverri nákvæmni. Eins gott að ég verði aldrei aðalvitni í glæpamáli eða slíkt, ég myndi aldrei geta gefið greinargóða lýsingu á einum né neinum. Ég hef alveg átt það til að gjörsamlega hundsa einhvern sem ég þekki, eða góðlátlega heilsa algerlega ókunnugri manneskju, bara af því að ég veit ekki betur. :) Það hjálpar auðvitað EKKI að ég hef unnið eingöngu í þjónustu/afgreiðslustörfum meira en hálfa ævina og hef þ.a.l. séð svo mörg andlit og hitt svo margt fólk að ég er löööngu hætt að taka eftir þeim. Svo þið afsakið þótt mér fipist aðeins annað slagið!

Eitt VERSTA svona tilfellið er hinsvegar þegar ég var að vinna kvöld/helgar sem pizzasendill hjá Hróa Hetti í Fákafeni fyrir svona milljón árum. Bakararnir voru í gulum vinnuskyrtum og við hin í grænum. Dagvinnan mín þá var hjá bókaútgáfu sem var stödd í sama hverfi og var ég dag einn að skutlast með bækur/tímarit í sjoppu nokkra á Langholtsveginum, alltaf á hraðferð eins og venjulega, þegar ungur strákur stoppar mig í dyragættinni:
"Hæ!"
Ég leit eitt augnablik á drenginn, spáði mikið í hvað hann væri eiginlega að heilsa mér, hristi svo hausinn og strunsaði áfram út.
"Hva, á ekki einu sinni að heilsa manni??" heldur hann áfram og hváir.
Ég snýst á hæli, stari nánar á drenginn, nokkuð viss um að ég kannist ekkert við þetta mannabarn.
"Bíddu.....ha???" stamar hann og starir á mig með þvílíkum undrunarsvip, á meðan ég hendist inn í minn rauða Renault, sting lyklinum í svissinn og gef þessum dreng enn eitt athugult augnaráð, áður en ég ákveð að ég hef ekki hugmynd um hver þetta eiginlega er, hristi hausinn, ræsi bílinn og bakka út.
Hann stendur hinsvegar eftir í dyragættinni greinilega sármóðgaður, fórnar höndum og strunsar inn í sjoppuna.
Ég spáði ekkert meira í þetta.....fyrr en nokkrum dögum seinna að ég mæti í kvöldvinnuna eins og venjulega og um leið og ég kem inn á staðinn, sé ég strákinn heilsaði mér í sjoppunni...Jósi Bakari!!! Ég hafði aldrei séð drenginn nema í gulri vinnuskyrtu og þekkti hann hreinlega ekki annars! Ég fór ekkert lítið í móral og hann stríddi mér á þessu leeengi á eftir....úff! ;)

Og held að flest ykkar séu búin að heyra Magga Guðlaugs-söguna frá seinasta gaggó-reunioni...VÁ hvað ég get verið mikil gufa stundum!

Tvífarar

bimma@livejournal.com — Mon, 14 Sep 2009 23:43:05 GMT

Fékk nýjan skjá á eina vinnutölvuna í dag.
On/off takkinn er nokkuð stór og skrýtinn í laginu, en þetta er samt kunnulegt form....

Ætli Glitnir/Íslandsbanki eða hrunið hafi eitthvað með þetta að gera? ;-)

Leiðinlegasta starf á Íslandi...

bimma@livejournal.com — Sun, 13 Sep 2009 23:47:49 GMT

..hlýtur að vera: Gaurinn sem situr í svarta Citroen-bílnum alla daga í Hæðarhverfinu í Garðabæ í þeim tilgangi að vakta ákveðið hús. Hef séð þennan bíl þarna í hvert sinn sem ég skrepp heim til gamla settsins í Garðabænum, skiptir engu hvort það er snemma morguns eða seint um kvöld. Finnst þetta bara frekar krípí. Ég veit að ég myndi seint endast í svona djobbi, sama hversu vel borgað það væri.

Það er búið að endur-rafmagna íbúðina. Fékk rafvirkja til að kíkja á pleisið í vikunni, sem skipti um alla rofa og lekaliða. Nú hættir vonandi að slá út af minnsta tilefni og að ljósaperurnar verði lífseigari á þessu heimili. Það þarf að panta nýtt stýrikerfi í þvottavélina, sem mun ekki hlaupa á minna en 60 þús. Æðislegt. Og kemur ekki fyrr en eftir 2 vikur hið minnsta. Svo þessa dagana fer ég bara með óhreina tauið til múttu í Garðabænum (þar sem ég keyri alltaf framhjá ofangreindum svarta Citroen-bíl) og get sótt það á leiðinni heim úr vinnunni, hreint og samanbrotið. Þó það sé nú ekkert slor að hafa svona þvottaþjónustu, vil ég samt fá mína þvottavél í gang aftur. :/

Fór að sjá Kamui dj-ast á Nösunni í gærkvöldi, með Jónu, Bjarnfríði systur hennar og Carlos kærastanum hennar. Svo bættist Elín í hópinn og frændi systranna var þarna líka. Hænumömmufílingurinn var sko í botni, ég endalaust að passa upp á að allir væru nú til staðar eða hefðu látið vita af sér. Fríða og Carlos entust ekki lengi, Elín fór stuttu seinna og Jóna um 4-leytið. Svo ein dansaði ég þar til Kamui enduðu settið sitt um 5-leytið, en þá tók Addi Exos við. Þá var bara brot af mannfjöldanum frá kvöldinu eftir í húsinu, en VÁ. VÁVÁVÁ. Drengurinn tók þá allrahörðustu og mögnuðustu syrpu sem ég hef nokkurntímann heyrt íslenskan DJ spila og er ofangreindur Exos þ.a.l. búinn að fella DJ Frímann úr toppsætinu sem minn uppáhalds íslenski plötusnúður....og er Frímann búinn að sitja þar fastast í tja, 15 ár! Geri aðrir betur. ;)
Var reyndar mjög undarlegt að vera þarna inni og þekkja ENGAN! Ég sver að meðalaldurinn á fólkinu var ekki hærri en 19 ára. Man í den þegar maður fór á djammið á dansstöðunum, þú þekktir alla og allir þekktu þig. Sakna gömlu tímanna. Og fannst ég vera alger ellikelling þarna inni, sérstaklega þegar einhver gaur fór að gera sig til við mig, sem (ég sver) var ekki eldri en átján. Leið eins og barnaníðingi!

Fatakaup eru mér ofarlega í huga þessa dagana. Sem er óvenjulegt, því bæði hef ég lítið efni á því og svo finnst mér leiðinlegast í heimi að fara og versla á mig föt. Hinsvegar er málið að fötin sem ég geng í núna eru gatslitin og passa ekki á mig lengur þar sem minn eigin ~~eðlis~~ massi (takk Ríkey!) hefur víst minnkað svo mikið undanfarið að fólk er farið að hafa á því orð. Ekki spyrja mig í kílóum, ég hef ekki stigið á vigt í örugglega tvö ár. :)

Annars langar mig í bíó. District 9, Inglorious Basterds, Up, Drag Me To Hell, Beyond A Reasonable Doubt, GI JOE, Reykjavík Whale Watching Massacre, osfr.
Já, greinilega langt síðan ég kíkti í bíó enda bíófélagi minn núna staðsettur á Akureyri, allavega fram að jólum. Ekki alveg að virka.

Aaaaah. Fyrsta alvöru haustrok ársins komið. Yndislegt. :)

Hér sé stuð

bimma@livejournal.com — Sat, 12 Sep 2009 01:08:27 GMT

Fór á fyrstu sinfóníutónleika vetrarins í gærkvöldi og hlýddi á verk eftir rússnesku meistarana, Piotr Tchaikovsky og Sergei Prokofiev. Magnað.

Annað kvöld verður hinsvegar af allt öðrum toga en þá verða það tveir þýskir fýrar, Dominik Felsmann & Patrick Scheidt sem munu gleðja skilningvitin í formi plötusnúðatvíeykisins Kamui.

Gætu varla verið ólíkari menningarheimar, en samt svo margt líkt. Ekkert nema gaman að því. :)

Húmorgubb

bimma@livejournal.com — Wed, 09 Sep 2009 22:03:54 GMT

Ljósanótt á la rólegheit

bimma@livejournal.com — Tue, 08 Sep 2009 00:14:13 GMT

Já, mín var dugleg sem endranær og mætt í skólann eldsnemma á laugardagsmorgni í efnafræðifyrirlestur. Bókin fyrir þennan kúrs er risa-doðrantur á við meðal símaskrá og kostar handlegg og tvo fætur, enda bara fáanleg ný. Alveg dæmigert. Finnst þetta reyndar hin skemmtilegasta og eigulegasta bók, truflar mig ekkert þótt hún sé öll á ensku. Ég svissa milli íslensku og ensku án þess að einu sinni verða vör við það (eins og kennarinn sem er þýskur notabene), en sumir bekkjarfélagarnir voru farnir að tapa þræðinum í umræðunum. Var svo spurð "já ert þú þessi sem kemur frá bandaríkjunum?" Uuuu nei?

Kíkti svo í vinnuna eftir skólann, auðvitað allt pakkað í bænum út af Ljósanótt. Og leiðindarigning, gat nú verið. Eins og við vorum nú búnar að hafa fyrir því að gera gluggana hjá okkur flotta og fína, hafði eitthvert kvenkvikindið átt í útistöðum við einn þeirra kvöldið áður og ákveðið að hjóla bara í helvítið. Svo núna er kyrfilega teipuð tréplata þar sem áður var fínasti gluggi. Okkur þykir eiginlega verst að hún gat ekki valið gluggann við hliðina, en þar er gamall auglýsingaborði sem við erum að reyna að skafa úr og gengur ekkert allt of vel. Hefði verið frábær afsökun til að skipta bara út öllum glugganum!

Ási og Ásdís voru svo með heimboð þar sem í boði var öl og ýmsar súpur og mætti alveg haugur af góðu fólki þangað. Röltum svo niður í fjöru að skoða mannlífið og höfðum það af að príla alla leið út í sjávargrjótgarðinn til að sjá flugeldasýninguna sem best! (Sem var milljón sinnum betri en prumpið á Menningarnótt, btw.)
Hópurinn gerði síðan í því að heimsækja og smakka á því sem matsölutjöldin höfðu upp á að bjóða (Já, við fórum á Ljósanótt...og borðuðum!) og röltum svo aftur upp í Smáratún til Ása. Ég hinsvegar, aðframkomin að þreytu eftir laaaanga helgi, tók bara stefnuna heim í bæinn. Þurfti að taka bensín fyrst og auðvitað var löööng bílaröð á Reykjanesbrautinni inn til Reykjavíkur. Var komin heim (og upp í rúm!) um miðnætti. Held það séu ár og dagar síðan ég hafi sofnað svona snemma um helgi, enda veitti mér ekki af almennilegum svefni....skreið svo ekki framúr fyrr en vel rúmlega hádegi á sunnudeginum og gerði ekkert af viti. Magnað. ;)

Bara ágætis helgi. Engar myndir (frá mér allavega) því að ég er enn að leita að nýju minniskorti í myndavélina mína. :(

Af bilunum og borgunum

bimma@livejournal.com — Fri, 04 Sep 2009 21:14:42 GMT

Keypti áskriftarkort á nýja tónleikaár Sinfóníuhljómsveitar Íslands í gær. Sniðugt að geta valið úr og púslað saman úr ýmsum tónleikaröðum. Það að ég fæ ég 50% afslátt af áskrift því ég er námsmaður er auðvitað bara snilld og ástæðan fyrir því að ég lét það eftir mér. Finnst það ágætt, svona í ljósi þess að ég fór á fjölmarga tónleika Sinfó í vetur án þess að borga krónu, því þá var ég atvinnulaus og þeir fá frítt á tónleika. Svona aðeins að borga til baka, því mér finnst þetta frábært framtak hjá þeim.
Ja, borga...?
Þegar kom að því að greiða, var kortinu mínu synjað. Þeir taka víst ekki American Express, eins og fleiri. Var með vitlaust debetkort á mér og var að verða of sein í vinnuna þannig ég hafði ekki tíma til að fara í hraðbanka með Amex kortið. Ekkert mál, má bara koma á mánudaginn og ganga frá greiðslunni, þau geyma pöntunina á meðan.
Greip með mér tónleikaskrá kvöldsins í leiðinni og er núna að hlusta á útsendingu Rásar 1 á tónleikum Askenhazy-feðga. Þá rek ég augun í eitt: Aðalstyrktaraðilar Sinfóníuhljómsveitar Íslands? Morgunblaðið og BORGUN.
Borgun er einmitt greiðslukortaþjónusta American Express. Hvers vegna get ég þá samt ekki keypt miða á tónleika SÍ ef að Borgun eru aðalstyrktaraðilar þeirra?
Finnst þetta bara pínu skondið.

Var í lokaprófi annar í stærðfræði í morgun. Gekk svona skítsæmilega, þessir þrír tímar voru samt allt of fljótir að líða. Síðan tók við fyrirlestur í efnafræðikúrsnum sem heldur áfram á morgun. Þá er það vinnan og svo vonandi að geta eitthvað skoðað þetta Ljósanætur-fyrirbæri þarna suðurfrá. Núna er ég hinsvegar svo þreytt að ég gæti örugglega sofnað standandi, en þarf að fara niður í kjallara og tæma þvottavélina. Mín yndislega þvottavél/þurrkari bilaði nefnilega í seinustu viku og ég er enn að reyna að greiða úr hvað er best (og ódýrast!) að gera í stöðunni. Á meðan nota ég bara þvottaaðstöðuna í sameigninni, sem ég hef varla stigið fæti inn í hingað til. Já, það er sko vanmetinn lúxus að vera með sína eigin þvottavél og þurrkara.

Svo er SD minniskortið í litlu myndavélinni minni endanlega búið á því. Ég fæ ekki sambærileg kort neinsstaðar nema á SD(HC) formi, en bara nýjustu myndavélar og tölvur ráða við svoleiðis. Myndavélin mín höndlar það alveg enda bara rúmlega ársgömul, en hvorug tölvan mín eða kortalesarinn geta lesið þetta fyrirbæri.
Ætli það verði ekki ískápurinn sem beili á mér næst....